श्रावण सोमवार

 श्रावण महिना हा  महादेवांना समर्पित आहे. महादेवाची पुजा केल्याने असे मानले जाते की, या महिन्यात पूजा केल्याने भक्तांच्या सर्व इच्छा पूर्ण होतात. या महिन्यात  महादेवाची कावड यात्रा ही भरते. गंगाजलाने महादेवांना अभिषेक करतात.

यंदा श्रावण महिन्यात चार सोमवार असून पहिला सोमवार 1 ऑगस्ट रोजी आहे. 

दुसरा श्रावण सोमवार 8 ऑगस्ट.

 तिसरा श्रावण सोमवार 15 ऑगस्ट.

चौथा श्रावण सोमवार 22 ऑगस्ट रोजी आहे. जाणून घेऊयात श्रावणातील पहिल्या सोमवारी महादेवाची पूजा कशी करावी आणि पूजा करताना काय काळजी घ्यावी.

महादेवाची पुजा करतात. श्रावण समोर हा महादेवांचा आवडता व पूजेचा महत्त्वाचा वार आहे.श्रावण महिना महादेवाचे उपवासासाठी खास मानला आहे.या पवित्र महिन्यात महादेवांची विशेष पूजा सोमवारी करतात.एका मान्यतेनुसार मानतात श्रावण सोमवारची पूजा कधीही व्यर्थ जात नाही. त्यामुळे महादेवांचे भक्त श्रावण सोमवारचे वाट पाहत असतात.

तिसरा श्रावण सोमवार

श्रावण महिन्यातील तिसरा सोमवार हा जास्त महत्त्वाचा मानला जातो.ज्योतिष शास्त्रानुसार श्रावण महिन्यातील तिसऱ्या सोमवार गणपती बाप्पाच्या आणि महादेवाच्या पूजेसाठी खास मांनला आहे. या दिवशी सर्व भक्त जण महादेवाची व गणपती बाप्पा ची पूजा म्हणून त्यामुळे सर्वभक्तास श्रावण सोमवार खूप महत्वाचा आहे.ज्योतिष शास्त्रानुसार या वर्षातील तिसरा सोमवार खूप महत्त्वाचा आहे.या दिवशी विनायक चतुर्थी सोबत रवी योग येत असल्यामुळे या दिवसाला अजून खास महत्त्व प्राप्त  झालेल आहे.

 तिसरा श्रावण सोमवार खूप विशेष,शुभ

या वर्षातली श्रावण सोमवार आहे खुप विशेष कारण शिवयोग तर येतच आहे. त्याबरोबर रवी योग रवी योगाबरोबरच, विनायक चतुर्थी या दिवशी येत आहे. त्यामुळे या दिवसाला खास महत्व प्राप्त झाले आहे.या दिवशी भगवान शंकराची तसेच आता गणपती बाप्पाची पूजा मोठ्या प्रमाणे करण्याचा योग श्रावण सोमवारच्या दिवशी आलेला त्यामुळे श्रावण सोमवार यावर्षी विशेष आहे व शुभ आहे.श्रावण सोमवार या दिवशी गणपती बाप्पाचि विनायक चतुर्थी येत आहे. त्यामुळे या दिवशी गणपती बाप्पाची ,महादेवाची विशेष पूजा अर्चा ही करण्याचा योग आला आहे. त्यामुळे यावर्षी महादेवा बरोबरच आपल्याला गणपती बाप्पाचा आशीर्वाद श्रावण तिसऱ्या सोमवारी मिळणार आहे.

 श्रावण सोमवारची पूजा कशी करावी?

श्रावण सोमवारच्या दिवशी सकाळी आंघोळ करून सूर्य देवला नमन करून सूर्य देवतेचा आशीर्वाद घ्यावा. कारण या दिवशी रवी योग्याला विशेष महत्त्व आहे.भाद्रपद श्रावण सोमवार आजचात्यानंतर श्रावण सोमवारचा उपवास करून महादेवाची पूजा व संकल्प करावा.सकाळी शुभ मुहूर्तावर  एखाद्या शिव मंदिरात जाऊन किंवा घरीच शिवलिंग करून विधीवत महादेवाची पूजा करावी.

पूजा 

सर्वप्रथम गंगाजलाने महादेवाचा अभिषेक करावा. त्यानंतर गाईच्या कच्च्या दुधाने अभिषेक करावा.गाईचे  कच्च्या दुधाने नाहीतर उसाच्या रसाने हे अभिषेक केला जातो.

 शिवलिंगाचा गंगाजल, गाईचे कच्चे दूध आणि उसाचा रस यांनी अभिषेक केल्यानंतर, चंदन ,अक्षदा ,फुले, बेलपत्र, शमी के पत्ते,  भांग, धतुरा,चंदन,भस्म,फुलांची माळ वहावीत.याच्या शोभातच शंकरांना मध,साखर,धुप-दिप,फळ वहावीत.

भगवान शंकरांच्या अभिषेक केल्यानंतर शिव चालीसा  सोमवार ची कथा यांचे वाचन करावे.पूजेच्या शेवटी तुपाचा दिवा लावून शिव आरती म्हणावी.शिवलिंगाची आरती करावी.

आरती शंकराची

लवथवती विक्राळा ब्रह्मांडी माळा ।
वीषें कंठ काळा त्रिनेत्रीं ज्वाळा ॥
लावण्यसुंदर मस्तकीं बाळा ।
तेथुनियां जल निर्मळ वाहे झुळझूळां ॥ १ ॥

जय देव जय देव जय श्रीशंकरा ।
आरती ओवाळूं तुज कर्पूरगौरा ॥ ध्रु० ॥

कर्पूरगौरा भोळा नयनीं विशाळा ।
अर्धांगीं पार्वती सुमनांच्या माळा ॥
विभुतीचें उधळण शितिकंठ नीळा ।
ऐसा शंकर शोभे उमावेल्हाळा ॥ जय देव० ॥ २ ॥

देवीं दैत्य सागरमंथन पै केलें ।
त्यामाजीं जें अवचित हळाहळ उठिलें ॥
तें त्वां असुरपणें प्राशन केलें ।
नीळकंठ नाम प्रसिद्ध झालें ॥ जय देव० ॥ ३ ॥

व्याघ्रांबर फणिवरधर सुंदर मदनारी ।

पंचानन मनमोहन मुनिजनसुखकारी ॥

शतकोटीचें बीज वाचे उच्चारी ।

रघुकुळटिळक रामदासा अंतरीं ॥ 

जय देव जय देव० ॥ ४ ॥

 शिवमुठाची कथा

आटपाट नगर होतं. तिथं एक राजा होता. त्या राजाला चार सुना होत्या. तीन आवडत्या होत्या, एक नावडती होती. आवडत्या सुनांचा तो चांगला प्रतिपाळ करी. नावडतीला जेवायला उष्टं, नेसायला जाडंभरडं. राहायला गुरांचं बेडं दिलं. गुराख्याचं काम दिलं. पुढं श्रावणमास आला.

पहिला सोमवार आला. ही रानीं गेली. नागकन्या-देवकन्यांची भेट झाली. त्यांना विचारलं, “बाई बाई, कुठं जातां?” ” महादेवाच्या देवळीं जातों, शिवामूठ वाहतों.” “यानं काय होतं?” “भ्रताराची भक्ति होते. इच्छित कार्य सिद्धीस जातं. मुलंबाळं होतात. नावडतीं माणसं आवडतीं होतात. वडील मनुष्यांपासून सुखप्राप्ति होते.” मग त्यानीं हिला विचारलं, “तूं कोणाची कोण?” “मी राजाची सून, तुमच्याबरोबर येते.”

 

त्यांचेबरोबर देवळांत गेली. नागकन्या-देवकन्या वसा वसू लागल्या. नावडती म्हणाली, “काय ग बायांनो वसा वसतां?”, “आम्ही शिवामुठीचा वसा वसतों.” “त्या वशाला काय करावं?” “मूठ चिमूट तांदुळ घ्यावे, शिवराई सुपारी घ्यावी, गंध फूल घ्यावं, दोन बेलाचीं पानं घ्यावीं. मनोभावं पूजा करावी. हाती तांदूळ घ्यावे आणि तोंडानं “शिवा शिवा महादेवा, माझी शिवामूठ ईश्वरा देवा. सासूसासर्‍या, दिराभावा, नणंदाजावा, भ्रतारा, नावडती आहे ती आवडती कर रे देवा.” असं म्हणून तांदूळ वहावेत. संध्याकाळपर्यंत उपवास करावा. उष्टंमाष्टं खाऊं नये. दिवसा निजूं नये. उपास नाहीं निभवला तर दूध प्यावं. संध्याकाळीं आंघोळ करावी. देवाला बेल वहावा आणि मुकाट्यानं जेवण करावं. हा वसा पांच वर्ष करावा. पहिल्या सोमवारी तांदूळ, दुसर्‍यास तीळ, तिसर्‍यास मूग, चवथ्यास जव आणि पांचवा आला तर सातू शिवामूठीकरितां घेत जावे.”

पहिल्या सोमवारी सगळं साहित्य नागकन्या-देवकन्यांनीं दिलं, आणि दुसऱ्या सोमवारी हिला धरून आणायला संगितलं. त्या दिवशीं हिनं मनोभावं पूजा केली. सारा दिवस उपास केला. जावानणंदांनीं उष्टंमाष्टं पान दिलं. तें तिनं गाईला घातलं. शंकराची आराधना केली आणि दूध पिऊन निजून राहिली.

 

पुढं दुसरा सोमवार आला. नावडतीनं घरांतून सर्व सामान मागून घेतलं. पुढं रानांत जाऊन नागकन्यांबरोबर मनोभावें पूजा केली आणि “शिवा शिवा महादेवा, माझी शिवामूठ ईश्वरा देवा. सासूसासऱ्या, दिराभावा, नणंदाजावा, भ्रतारा, नावडती आहें ती आवडती कर रे देवा.” असं म्हणून तीळ वाहिले. सारा दिवस उपवास केला. शंकराला बेल वाहिला. दूध पिऊन निजून राहिली. संध्याकाळीं सासर्‍यानं विचारलं. “तुझा देव कुठं आहे? नावडतीनं जबाब दिला, “माझा देव फार लांब आहे. वाटा कठीण आहेत, कांटेकुटे आहेत. साप-वाघ आहेत, तिथं माझा देव आहे.”

 

पुढं तिसरा सोमवार आला. पूजेचं सामान घेतलं. देवाला जाऊं लागली. घरचीं माणसं मागं चाललीं. “नावडते, तुझा देव दाखव,” म्हणून म्हणूं लागलीं. नावडतीला रोजचा सराव होता. तिला कांहीं वाटलं नाहीं. ह्यांना कांटेकुटे पुष्कळ लागले. नावडतीची दया आली. आजपर्यंत रानांत कशी येत असेल कोण जाणे. नावडतीला चिंता पडली. देवाची प्रार्थना केली. देवाला तिची करुणा आली. नागकन्या, देवकन्या ह्यांसहवर्तमान देऊळ सुवर्णाचं झालं. रत्नजडिताचे खांब झाले, हांड्या गलासं लागलीं. स्वयंभू महादेवाची पिंडी झाली. सगळ्यांनीं देवाचं दर्शन घेतलं. नावडाती पूजा करूं लागली. गंधफूल वाहूम लागली. नंतर मूग घेऊन “शिवा शिवा महादेवा, माझी शिवामूठ ईश्वरा देवा. सासूसासर्‍या, दिराभावा, नणंदाजावा, भ्रतारा, नावडती आहें ती आवडती कर रे देवा.” असं म्हणून शिवाला वाहिलें. राजाला मोठा आनंद झाला. नावडतीवर प्रेम वाढलं. दागिने ल्यायला दिले. खुंटीवर पागोटं ठेवून तळं पहायला गेला. नावडतीची पूजा झाली. पूजा झाल्यावर सगळीं माणसं बाहेर आलीं. इकडे देऊळ अदृश्य झालं. राजा परत आला. माझं पागोटं देवळीं राहिलं देवळाकडे आणायला गेला. तों तिथं एक लहान देऊळ आहे, तिथं एक पिंडी आहे. वर आपण केलेली पूजा आहे, जवळ खुंटीवर पागोटं आहे. तेव्हां त्यांने सुनेला विचारलं, ” हें असं कसं झालं?” “माझा गरिबाचा हाच देव. मीं देवाची प्रार्थना केली, त्यानं तुम्हांला दर्शन दिलं.” सुनेमुळं देव भेटला म्हणून तिला पालखींत घालून घरीं आणलं. नावडती होती ती आवडती झाली.

 

जसा तिला शंकर प्रसन्न झाला, तसा तुम्हां आम्हां होवो. ही साठां उत्तरांची कहाणी. पांचां उत्तरी सुफळ संपूर्ण.